Ang kwentong ito ay naisulat noong 2011, sa tuwing sasapit daw ang ika-8:00 ng gabi may naririnig silang umiiyak na parang may kung anung hangin na siguradong mararamdaman mo, na syang magpapatayo ng iyong balahibo sa Nursing Building ng FEU.


Minsan, nahihinto magturo ang isang propesora sa isang pang-gabing klase sa ikalawang palapag dahil sa isang tunog ng pagbagsak na tila mabigat na bagay mula sa taas, napapatingin ang lahat kung saan nagmumula ang matinding kalabog na iyon.


Mayroon na ring insidente na nagpakita ang isang babae sa elevator ng naturang gusali at talagang maiiyak ka sa gulat, minsan ramdam mong tila may kasabay ka sa pagbaba mo sa hagdan na maya-maya'y may biglang hahawak sa likuran mo, mararamdaman mo ito lalo na pag nag-iisa ka.


Mayroon ding naganap na may pumasok sa isang silid sa 7th floor sa mga 1st year nursing student noon at nagpakilalang s'ya raw si Maningning Miclat at ng sandaling magpaalam ito, naglahong bigla at hindi na muling bumalik pa, mapanindig-balahibong nalaman nilang higit sampung taon na pala itong patay.


Minsan nagpapakita ito sa ilang studyante sa Hallway, nakatingin na tila malungkot at nakaputi, maging sa konektado nitong EB o Education Building na kinakatakutan ng mga pang-gabing klase. Ganoon din sa Chapel ng FEU sa tabi ng AB o Arts Building, nakikita tuwing gabi ang propesora na nakaputi at nakaluhod sa loob ng simbahan.


Isa lamang Ang kwento ni Maningning sa mga kakilakilabot ng kakaibang nagyayari sa pagsapit ng gabi sa FEU at sa tuwing makakarinig ang mga estudyante ng mga ganitong kwento ang payo ng mga propesor doon na mag alay na lamang ng dasal.


Si Maningning Miclat ay isang dalubhasang makata at pintor. mula sa Filipino-Chinese na pamilya na nakapagtala ng mga di matawarang likha, libro at mga pintang nagbigay karangalan sa bansa, kumuha ng Masters degree Ateneo at nakapagturo ng arts sa Institute of Architecture and Fine Arts ng FEU.


Taung 2000, nakilala ang pangalan nya sa pamantasan dahil sa pagiging mabait, tahimik at paladasal na guro. Noong ika-29 ng Setyembre 2000 sa edad na 28 kinagulat ng lahat ang pagtalon ng propesora mula sa ikapitong palapag ng dating IARFA Building.


Senior High School building na ito ngayon mula 2016. Nagtago man ang tunay na katotohanan sa sanhi ng pagpapakamatay nito, nanatili naman ang mga kakila-kilabot na experience ng mga estudyante dito. Huling nabalitaang may panay ang iyak sa gabi dito, ayon sa guwardiyang nagbabantay sa gitna ng pandemya, panahong buong taung sarado ang pamantasan.


Marahil ang mga nabanggit na pangyayari ay nagpasalin-salin na lamang at ang iba ay maaring bunga na lamang ng sariling imahinasyon dala ng takot.


Hindi na importante ang dahilan kung bakit nagawa ni Maningning ang ganung bagay, 'di na rin mahalaga ang tanong kung bakit ito tumalon sa 7th floor, Ang mas magandang alalahanin, na si Maningning bilang isang guro na may dedikasyon sa pagtuturo, Isang guro na naging tagapagtaguyod ng ilang mga mag-aaral noon, na ngayon ay matagumpay na sa sining at larangang kanilang pinili.

Ang Pag-aari ni Clarita Villanueva — 1953 (Maynila)


Totoong pangyayari na naging balita sa buong mundo! 📰


Noong Mayo 1953, isang 18-anyos na dalagita na nagngangalang Clarita Villanueva ang nakulong sa Bilibid Prison sa Maynila. Simula nang makulong siya, bigla na lang siyang sumisigaw sa sakit — may mga marka ng kagat sa kanyang katawan, kahit walang taong lumalapit sa kanya.


Sinabi niyang dalawang demonyo ang kumakagat sa kanya — isang matanda at isang malaking lalaki. Nakita ito ng mga guwardiya, mga doktor, at maging ng mga mambabatas — lahat nakita ang mga bagong marka ng kagat na bigla na lang lumilitaw nang walang lumalapit na tao!


Nagsagawa ng ekskomunikasyon si Archbishop Rufino Santos at iba pang pari — at doon tumigil ang mga pangyayari. Ito ang pinakamatinging kaso ng pagkakaroon ng demonyo sa kasaysayan ng Pilipinas, na nakatala pa sa mga ulat ng pulisya at pahayagan.


😱 "Nakita ng lahat — ang mga kagat na bigla na lang lumilitaw sa balat niya, kahit nakakandado siya sa loob ng selda."

Ang White Lady ng Balete Drive — Quezon City

Pinakasikat na kwentong multo sa buong bansa! 🚗

Ang Balete Drive sa Quezon City ay kilala bilang pinakanakakatakot na kalsada sa Pilipinas. Maraming drayber ang nag-ulat na nakakakita sila ng isang babaeng nakaputi, nakatayo sa gitna ng kalsada tuwing gabi.

Ayon sa kwento, siya ay isang babaeng pinatay o naaksidente sa lugar na iyon — at hindi pa nakakaalis ang kanyang kaluluwa. Sinasabing sumasakay siya sa sasakyan, at kapag tiningnan ng drayber sa salamin — wala na siya, o nasa likuran na at nakatingin nang matalim.

Hanggang ngayon, marami pa ring umiiwas dumaan dito tuwing hatinggabi.

👀 "Sinasabing kapag dumaang ka ng hatinggabi — maaaring sumakay siya sa iyong sasakyan, at hindi ka niya iiwan hangga't hindi mo siya tinutulungan."